Fahad Hussayn Couture

Dara Shikoh Aur Sunehri Churail – The Samugarh Saga

October 18, 2017

Samugarh main dono afwaj ka amna samna hua. Us waqt jab afyaab per zawal ke saye perny lage, lashkar e shahi ke qaul se naqqaron ki awazain anay lageen. Lashkar ko jumbish ka hokum mil gaya. Sipahsalaar ne haraval ko peshqadmi ka hokum dia. Pachas hathiyon ki qataar harkat main ayi. Hathi bepanah garmi se badhawaas topon aur zambooron ki musalsal avaazon se beqarar folaad ki deevar ki manind chingartay huay chal rahe thay. Un ke saye main do hazar rajpooy jo apnr ghoron samait lohay ke khol main band thay. Un ke shano se lgi barchiyon main zard kaamdaar resham ke phureray lehra rahe thay. Hathon main alam, hilali talwarain, kataarain aur sarohi aik aik hathyar se shohle nikal rahe thay.

Dortay huay janwaron ki pakharain aur bajti hui zanjeeron se askari mauseeqi ke chashme photo rahe thay. Ghamsaan ka run para aur Samugarh ke maidaan main who holnak jang chir gayi jis ke liay moarikheen ko likhna para ke poori satraveen sadi main kishvar e Hindustan main kisi maqam per aisi khoonrez larai nahin lari gayi.

Sawaron ke ghoray kamar kamar tak khoon maib doob gaye. Aurangzeb ka fojdaar mara gaya aur sipahsalaar sir se paon tak khoon main naha gaya. Khanazadon ne maidan se hathi nikal ker jaan bachai. Sipahsalaar e lashkar e shahi is tarha Aurangzeb per jhapta ke ghoray ke dono paon hathi ki mastak per jam gaye. Feelbaan sipahsalaar ke hathon main chamakti naagin ki shikar hua. Sipahsalaar ne Aurangzeb ko dekha aur garaj ker bola;

“Tum Sahib e Alam ke samnay takht e taoos per charhna chahtay ho.”

Aur aisa tulla hua mukka mara ke agar Aurangzeb ke sir per khod na hota to talwar ka dasta choti se halaq tak ghus jata. Taham kalghi ur gai aur khod ki kariyan bikhar gayeen. Dosray vaar se pehle he us ne hathiyar dal diye.

Aurangzeb qaid hua aur zanjeeron main jakar ker wapis darulkhilafat laya gaya.

to be continued …..

Summary:

In on the bloodiest battles of the 17th centuary Hindustan Aurangzeb is defeated by Dara’s forces and sent into captivity back to Delhi.

 

Photo Credits:

Featuring: Meekal Zulfiqar & Hassnain Lehri.

Photography:

Meekal: Aabroo Hashimi

Hassnain: MHM

Back Drop Visuals: MHM StudiO

Special effects Hair & Make Up: Maram Azmat

You Might Also Like